Акциа иззыԥшыз раасҭа акыр еиҳаны ауаа рхы аладырхәит.

Акциа амҩаԥгарран ашәарҭадара аиқәыршәара ахахьы иагеит атәыла аҩныҵҟатәи аусқәа Рминистрра.

«Ҳара акциа амҩаԥгараҿы ацхырааразы атәыла аҩныҵҟатәи аусқәа Рминистрра ахь ҳадҵаалеит, урҭ ашәарҭадара аиҿкаараҿы ацхыраара ду ҳарҭеит», –  ҳәа иҳәеит иара.

Акциа еиуеиԥшым аиҿкаарақәа рҟынтәи ирацәаҩны аволонтиорцәа рхы аладырхәуеит.   

«Акциа аԥсҭазаара еиҷаҳарала азнеиреи аҿар рыҩныҵҟа анаркотикқәа рыларҵәара аԥхьырҟәҟәаареи апропаганда аҟаҵара хықәкыс иамоуп.  Ҳара иаҳҭахуп аҿар еилыркаарц анаркотикқәа ральтернатива шыҟоу. Уи агәабзиара еиҷаҳарыла азнеиреи еиуеиԥшым аспорт хкқәа рыла аҽазыҟаҵареи ауп», - ҳәа иҳәеит иара.

Акциа иалахәыз зегьы хыхьтәи рышәҵатәы аҿы ианын «Уҽалхәдуумтәын уаҵәтәи амш!»ҳәа аҩыра. Урҭ иара убас ирнын зызганк шәҭыкакаҷуа, егьы зган хҩаау аҵла асахьа.

Ас еиԥш акциақәа есышықәса имҩаԥыслоит.

Ашьыжьымҭан иарбоу акциа аҳәаақәа ирҭагӡаны, иара убас аҟәатәи аӡҭарчы аҿы имҩаԥысит 50 - 100 метра инаӡо адистанциа ала аӡсара.

Анаҩс акциа иацҵахеит Б.Шьынқәба ихьӡ зху апарк аҿы. Араҟа изҭахыз зегьы амҵәышәмпыл 3х3, ашахматқәа, анардқәа, адомино ала еицлабыр рылшон.

Акциа еиҿнакааит Аԥсны аҿари аспорти русқәа рзы аҳәынҭқарратә Еилакы.  организовал Госкомитет Абхазии по делам молодежи и спорту.