Аԥснытәи амшынтә ӷбаныҟәара анапхгараҭара иара убас уи азы азинмчы змоу ареспублика аусбарҭақәеи аилазаарақәеи алархәны атуристцәа рыԥсшьараамҭа рыхгара  аиҿкаара иазку еиуеиԥшым аусмҩаԥгатәқәа: аекскурсиатә маршрутқәа акультура-арлахҿыхратә программақәа еиқәнаршәоит.

Акруизтә лаинер «Князь Владимир» –  араԥӷәрақәа 8 змоу, знык ала 600-ҩык апассаџьырцәа шьҭызхуа акруизтә ԥхараныҟәаӷба ауп.  Аилазаара-аоператор апроект есымчыбжьытәи арежим ала анагӡара азԥхьагәанаҭоит.

Аԥыза-министр Алеқсандр Анқәаб атуристә индустриа аусхкы аҿы урыстәылатәи аилазаарақәа аус рыцура аҳәаақәа рырҭбаара аҵак ду шаҵоу инаҵшьны иазгәеиҭеит.