Гагра араион апрокуратура ала имҩаԥгаз ашьауӷатә усеилыргара аматериалқәа рыла ишышьақәырӷәӷәоу ала, мшаԥымза 2,  2022 шықәса,  02 сааҭки 30 минуҭи инарзынаԥшуа, Евгени Крылов, ижәны дшыҟаз, Гагра ақалақь, Абазгаа рымҩала иҟоу акаҳуажәырҭа «Дад» ашә ԥҽны аҩныҵҟа дыҩналаны Егикиан Вардуш Гарник-иԥҳа дишьит.  Евгени Крылов дибеит ахьчаҩ Варданиан Арам Рафаель-иԥа. Иҟаиҵаз ацәгьоура иҵихыр ҳәа дшәаны Евгени Крылов аҵәымӷалхга ала ахьчаҩ ихы дасны ишьра иҽазишәеит, аха игәҭакы изынамыгӡеит. Абокс атехника иазҟазаз Арам Варданиан Евгени Крылов иҿагылара илшеит.

Рашәарамза 21, 2023 шықәсазы ари ашьауӷатә усеилыргара Иреиҳаӡоу аӡбарҭа ахь идәықәҵоуп.