Иҩбахаз, иарбоу апроект аҳәынҭқарратә символқәа асувениртә аалыҵ аала иаҵанамкуа амаҭәартә обиектқәа (атауарқәа) рҿы арбара ақәиҭымзаара алагалара азԥхьагәанаҭоит.
Аилацәажәарақәа рышьҭахь иарбоу азакәан апроект иааиуа аилак аилатәараҿы аспециалистцәа радыԥхьаларала ахәаԥшразы аӡбамҭа рыдаркылеит.
Аилак алахәылацәа иара убас Аԥсны Атәылауаҩратә Закәанеидкыла аԥшьбатәи ахәҭа апроекти «Аԥсны Атәылауаҩратә Закәанеидкыла аԥшьбатәи ахәҭа азинмчы аҭара азы» азакәан апроекти иахәаԥшит.
Аилацәажәара ашьҭахь адепутатцәа иарбоу азакәан апроектқәа иааиуа асессиа аилатәараҿы ахәаԥшразы абжьгара аҟаҵаразы еицҿакны аӡбамҭа рыдыркылеит.
Аилак ԥхынгәымза 27, 2022 шықәсазы актәи аԥхьараҿы ирыдыркылаз «Аԥсны Аҳәынҭқарра азакәанԥҵаратә шәҟәынҵақәак аиҭакрақәа ралагалара азы» азакәан апроект аус адулара иацнаҵеит. Ари апроект Аԥсны ашьаустә закәанԥҵара анормақәа реиӷьтәреи ареспублика ашьаус-процессуалтә нормақәа рхархәара аеффективра ашьҭыхреи хықәкыс иҟаҵаны аус адуланы ишьақәырӷәӷәан.
Аилак алахәылацәа иарбоу апроект иааиуа Апарламент асессиа аилатәара аҩбатәи аԥхьараҿы ахәаԥшреи адкылареи рзы абжьгара аҟаҵаразы еицҿакны аӡбамҭа рыдыркылеит.
