Аҟәа. Рашәарамза 15, 2023 шықәса. Аԥсныпресс. Аԥсны Аҳәынҭқарра Ахада Аслан Бжьаниа Идныҳәаларатә шәҟәы Аԥсны Аҳәынҭқарратә ахьчара амаҵзура аусзуҩцәа рзаанаҭтә ныҳәа рыдиныҳәалеит.
Адныҳәаларатә шәҟәаҟны иҳәоуп:
"Ҳаҭыр зқәу аҩызцәа!
Ишәыдысныҳәалоит шәзанааҭтә ныҳәа – Аԥсны Аҳәынҭқарра Аҳәынҭқарратә ахьчара амаҵзура амш.
Аҳәынҭқарратә ахьчара амаҵзура аԥҵоижьҭеи 31 шықәса ҵит, абри аамҭа иалагӡаны аусзуцәа ирылшеит Аԥсны Аҳәынҭқарра аҭоурых адаҟьақәа иналукааша ахҭысқәа рыла рхарҭәаара.
Азанааҭ адырра, иҷыдоу аҭагылазаашьа ианаамҭоу ақәҿыҭра, ҭакԥхықәрала амаҵзура азнеира, инарҵауланы амаҵзура аҵакы аилкаара реиԥш иҟоу аҷыдарақәа рылоуп Аҳәынҭқарратә ахьчара амаҵзура аусзуҩцәа.
Ргәалашәара ҳацуп змаҵзуратә уал анагӡаараан иҭахаз аусзуҩцәа. Аҳәынҭқарреи аԥсуа жәлари рыхьӡала иаадырԥшуаз ахачҳареи ахамеигӡара хашҭра рықәӡам.
Аԥсны Аҳәынҭқарра Аҳәынҭқарратә ахьчара амаҵзура аусзуҩцәеи аофицарцәеи рыжәҩа иқәуп аус ҷыда – ҭакԥхықәрала рмаҵзура азнеира, аҳәынҭқарреи анапхгареи ршәарҭадара ахьчара.
Шәзанааҭтә ныҳәа аҽны иҭабуп ҳәа шәасҳәоит набыцра амамкәа имҩаԥыжәго аусуразы, Аԥсны Аҳәынҭқарреи ауаажәлари рыхьчаразы.
Ишәзеиӷьасшьоит агәабзиара, агәамч, шәусураҿы аихьӡарақәа!"
