Гәылрыԥшь араион аҿы 8 обиектк, урҭ рыхәԥса азеиԥш еицҵалыҵ 25 млн. 899 нызықь мааҭ рҟынӡа инаӡоит. ; 

Очамчыра араион аҿы 14 обиектк, урҭ рыхәԥса азеиԥш еицҵалыҵ 62 млн. 482 нызықь мааҭ рҟынӡа инаӡоит. ; 

Ҭҟәарчал араион аҿы 8 объектк, урҭ рыхәԥса азеиԥш еицҵалыҵ 22 млн. 793 нызықь мааҭ рҟынӡа инаӡоит. ; 

Гал ақалақь аҿы иазԥхьагәаҭоу аиҭашьақәыргыларатә усурақәа рыхәԥса азеиԥш еицҵалыҵ  8 млн. 663 нызықь мааҭ рҟынӡа инаӡоит. ;   

Аилатәара аихшьаалақәа рыла, атәыла аԥыза-министр адҵақәа ҟаиҵеит. Афинансқәа Рминистрра ианаамҭоу иазԥхьагәаҭоу аусмҩаԥгатәқәа рфинанстәра амҩаԥгареи ауааԥсыра имҩаԥысуа аусурақәа рзы адырра рыҭареи рзы азԥхьанҵа ҟаҵоуп. Шьаҭанкылатәи аргылара Аусбарҭа ихадоу акритери – аусурақәа зегьы ахаҭабзиара аҳаракра ахымԥадатәра шьаҭас иҟаҵаны аҭакԥхықәра анагӡара азы абжьгара аҭоуп.

Иара убас, Алеқсандр Анқәаб Шьаҭанкыла аргылара Аусбарҭа анапхгаҩы хара имгакәа аусурақәа рымҩаԥгара иахьалагахьоу аобиектқәа рҿы иҟоу аҭагылазаашьазы адырра ииҭарц азы адҵа иҭеит.