Анаҩс Џьамбул Жорданиа ашколхәыҷқәа рзы азҿлымҳара аҿиаразы актиортә тренинг маҷ мҩаԥигеит, иара убас ахьа Алеқсандр Сергеи-иԥа Пушкин илаҟә «Ахьтәы рбаӷь азы алаҟә» аԥхьара шымҩаԥысуа, уи ашьҭахь ари арҿиамҭа аилыргареи алацәажәареи шымҩаԥгахо ахәыҷқәа ирзеиҭеиҳәеит.
«Алеқсандр Пушкин иоуп ҳаамҭазтәи аурыс литературатә бызшәа ашьаҭаркҩыс иҟоу. Убри аҟнытә, ахшыҩзышьҭа аҭаны шәазыӡырҩы, нас шәареи ҳареи ари алаҟә ҳалацәажәоит», - ҳәа иҳәеит Џьамбул Жорданиа.
Алаҟә аԥхьара ашьҭахь арҿиамҭа аԥхьаҩ инаҭо аҵакытә нырра ахьынӡаҳараку иалацәажәеит. Иара убас Џьамбул Жорданиа актиортә дыррақәа рхархәарала аинтерактивтә хәмарра мҩаԥигеит.
Аиԥылара ахыркәшамҭаз аиԥылара иалахәыз ашәҟәқәа ҳамҭас ирырҭеит, иара убас еиҿкааз афуршет ахь иаарыԥхьеит.
Аусмҩаԥгатә Москва ақалақь Анапхгареи Москва ақалақь адәныҟаекономикатәии жәларбжьаратәии аимадарақәеи Рдепартаменти аидгьылуаҩ Москватәи Иҩни иҟарҵаз адгыларала Аҟәа ақалақь, «Москва Аҩны» аҿы еиҿкаахеит.
Уи аԥхьа «Москва Аҩны» Жәларбжьаратәи ахәыҷқәа рыхьчара Амш иазкыз иаарту ахәыҷтәы аԥкьаҭмпыл атурнир мҩаԥнагеит.
