Иара убас, Муҳаммад Али Аԥсны адәныҟатәи аусқәа рминистр Инал Арӡынба Алада Африкатәи Ареспублика адәныҟатәи аусқәеи аусеицуреи рминистр Наледи Пандор ихьӡала иааишьҭыз асаламшәҟәы ацшаражәҳәаҩ инапы иаиркит.
Инал Арӡынба Наледи Пандор Африка Амшныҳәа идиныҳәалеит, Аԥсны Алада Африкатәи Ареспублика аҩганк рзы ифеидоу аусеицура абжьаҵара ишазҿлымҳау азгәеиҭеит.
«Агәра ганы сыҟоуп ҳҳәынҭқаррақәа рыбжьара аиҩызареи аусеицуреи рыбжьаҵара аԥсныжәлари африкатәи ажәлари гәахәарыла ишрыдыркыло», ҳәа иазгәаҭоуп ашәҟәы аҿы.
