АЖӘАБЖЬҚӘА

19.Лаҵара.2023

Ф.А. Искандер ихьӡ зху Аурыс драматә театр “Агастроль дуқәа” Горно-Алтаиск ақалақь аҿы имҩаԥысраны иҟоуп.

Аҟәа. Лаҵарамза 19, 2023 шықәса. Аԥсныпресс. Аԥсны Аҳәынҭқарра аҟынтәи Ф.А. Искандер ихьӡ зху Аҳынҭқарратә аурыс драматә театр рашәарамза 24 -25, 2023 шықәсазы Горно-Алтаиск ақалақь аҿы «Агастроль дуқәа» мҩаԥысраны иҟоуп.

П.В. Кучиак ихьӡ зху Амилаҭтә театр асцена аҿы имҩаԥысуеит аспектакльқәа рырбара. Убас: рашәарамза 24, асааҭ 17:00 рзы – «Ишьаарҵәыроу ачара» , рашәарамза 25, асааҭ 16.00 рзы – «Ахаҵа ԥшӡа»,  ҳәа адырра ҟанаҵоит Аԥсны Алтаи акультура Аминистрра.

Ф.А. Искандер ихьӡ зху Аҳынҭқарратә аурыс драматә театр – Аԥсны иҟоу аурыс театр заҵәык ауп. Уи 1981 шықәсазы Аҟәатәи ахәаԥшыҩ қәыԥш итеатр аҳасабала иаԥҵан. 1991 шықәсазы аурыс драматә театр астатус аиуит.  

2017 шықәсазы Искандер итеатр Урыстәылатәи Афедерациа акультура Аминистрра апрограмма «Агастроль дуқәа», иара убас жәларбжьаратәи атеатралтә фестивальқәеи алахәылас иҟалеит.  Уи аҳәаақәа ирҭагӡаны атеатр Москва, Санкт-Петербург, Шәача, Пиатигорск, Елиста, Миҟәаԥ, Саранск, Киров, Сыктывкар, Иошкар-Ола, Липецк, Иваново, Тула, Смоленск, Архангельск, уҳәа егьырҭ ақалақьқәа рҿы  қәҿиарала агастрольқәа мҩаԥнагеит.

Аспектакльқәа ақәыргыларазы ааԥхьара рыҭахоит еицырдыруа урыстәылатәи арежиссиорцәа, атетралтә специалистцәа. Уи иабзоураны аспектакльқәа иҳараку асахьаркыратә ҩаӡара аҿы имҩаԥысуеит. Иахьатәи амш азы Фазиль Искандер ихьӡ зху атеатр арепертуар аҿы иҟоуп Лев Толстои, Алеқсандр Островски, Николаи Гоголь, Фиодор Дотоевски, Фридрих Диурренматт, Карло Гольдони, Федерико Гарсиа Лорка, Молиер, Еврипида, уҳәа егьырҭ рырҿиамҭақәа рыла аспектакльқәа рықәыргыламҭақәа.


Read 325 times - Ахәаша, 19 Лаҵара 2023 16:47
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.