Иахьа ансамбль «Ерцахә» аилазаараҿы иҟоуп  50-ҩык артистцәа. Ансамбль дахагылоуп асахьаркыратә напхгаҩы, Аԥсны зҽаԥсазтәыз артист, Аахыҵ Уаԥстәыла зҽаԥсазтәыз артист, «Ахьӡ–Аԥша» аорден III аҩаӡара акавалер Вианор Ҷыҷыкәа-иԥа Логәуа.

Ари амш аҽны В.Ҷ.Логәуа ҩынтәны адныҳәаларақәа идикылон. Избан акәзар аконцерт амҩаԥгара арыцхәи иара иира Амши еиқәшәеит. Ансамбль «Ерцахә» ашҟа артист ааԥхьара иоуит 2008 шықәсазы. Убри инаркны Вианор Ҷыҷыкәа-иԥа акәашарақәа рықәыргылареи акостиумқәа рдизаин аиқәыршәареи инапы алакуп.    

«Ансамбль «Шьараҭын» аҿы санықәгылоз аамҭазы сара Европа атәылақәа жәпакы рҭааразы алшара соуит. Убри аҟнытә изҿурԥшыша ыҟан. Исгәаԥхоит испаниатәи, италиатәи акәшаарақәа, аха кавказтәи акәашара сара зегьы раасҭа исзааигәоуп. Кавказ –аԥшӡареи аҳаҭырқәҵареи асимволра ауеит. Саргьы сгәаанагарала, ҳаамҭазы асценаҿы жәлар рыкәашара анагӡара – ари ҳажәларқәа ашәышықәсақәа рыла еизыргоз, еиҷаҳаны еиқәырханы ҳара ҳҟанӡа иааргаз иреиӷьу  жәлар рытрадициақәа, рфольклор шеиқәырхахо ауп иаанаго», –  ҳәа иҳәеит Вианор Логәуа. сказал Винаор Логуа.