АЖӘАБЖЬҚӘА

13.Лаҵара.2023

Даниил Ԥлиа арԥарцәа рыбжьара зхы иақәиҭу аиқәԥара азы Урыстәыла аԥхьахәгара аҿы аиааира игеит.

Аҟәа. Лаҵарамза 13, 2023 шықәса. Аԥсныпресс. Даниил Ԥлиа 16 шықәса зхымҵыц арԥарцәа рыбжьара зхы иақәиҭу аиқәԥара азы Урыстәыла аԥхьахәгара аҿы аиааира игеит, ҳәа адырра ҟанаҵоит аҿари аспорти русқәа рзы аҳәынҭқарратә Еилакы.

Афинал аҿы Даниил Нхыҵ Уаԥстәыла - Аланиа аҟынтәи аспортсмен Тунџьаи Вердиев асчиот 5:2 ҳәа дииааит. Аспортсмен 57кьыла иҟоу акапантә категориа иаҵанакуа рыбжьара дықәгылеит.

Аспортсмен дазыҟарҵоит Адам Цәеиба, Дауҭ Лазбеи Асланбек Гәарамиеи.

Аԥхьахәгара мҩаԥысуан афункциарацәа змоу аспорттә комплекс «Тула-Арена» аҿы лаҵарамза 10 - 13  рзы. Аусмҩаԥгатә аиҿкаареи амҩаԥгареи рҿы адгылара ҟарҵеит Урыстәыла аспорт Аминистрреи Урыстәылатәи Афедерациа Аолимпиатә комитети. Аицлабрақәа рхы аладырхәит Урыстәыла 58 регион рҟынтәи  500-ҩык инареиҳаны аспортсменцәа.  


Read 150 times
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.