Пертаиа Каха Заур-иԥа диит лаҵарамза 20, 1981 шықәса рзы Аԥснытәи АССР, Очамчыра араион  Актәи Бедиа ақыҭан диит.  

1999 шықәсазы далгеит Очамчыратәи абжьаратәи ашкол №2.

2001 шықәсазы Аҟәатәи иҷыдоу амилициа ашкол далгеит.  

2001 шықәсазы Очамчыра аҩныҵҟатәи аусқәа араионтә ҟәша ашьауӷатә усеилыргарақәа рыҟәша аоперативтә усура анагӡаразы азинмчы змоу имаҵураҭыԥ дахадыргылеит.  

2004 шықәсазы Ареспублика Удмуртиа аҿы иҟоу Урыстәылатәи Афедерациа аҩныҵҟатәи аусқәа Рминистрра азини анапхгараҭареи Ракадемиа «Азиндырра» ахырхарҭала далгеит.

2004 шықәсазы Очамчыра аҩныҵҟатәи аусқәа араионтә усбарҭа Аусеилыргаратә ҟәша аусеилыргаҩ еиҳабы имаҵураҭыԥ дахадыргылеит.

2005 шықәсазы Очамчыра араион апрокуратура аусеилыргаҩыс дҟаҵан.

2007 шықәсазы Очамчыра араион апрокурор ицхырааҩыс дҟаҵан.  

2008 шықәсазы Ҭҟәарчал араион апрокурор ихаҭыԥуаҩыс дҟаҵан.  

2009 шықәсазы Очамчыра араион апрокурор ихаҭыԥуаҩыс дҟаҵоуп.

2013 шықәсазы Санкт-Петербург ақалақь аҿы иҟоу аиуристтә институт Урыстәылатәи Афедерациа апрокуратура Хада Академиа аҿга аҿы «Аус ҭҵаареи заанаҵтәи аусеилыргареи ахылаԥшра аҭара» апрограмма ала азанааҭдырра аҩаӡара ашьҭыхра акурсқәа дахысит.  

2014 шықәсазы Гал араион апрокурор имаҵураҭыԥ дахадыргылеит.  

2015 шықәсазы ианашьахеит аиустициа абжьгаҩ еиҳабы икласстә чын.  

2017 шықәсазы Аԥсны Жәлар Реизара-Апарламент адепутатс далырхит.

2020 шықәсазы Урыстәылатәи Афедерациа Ахада иҟны иҟоу  жәлар рынхамҩеи аҳәынҭқарратә маҵзуреи рзы Урыстәылатәи Академиа «Аҳәынҭқарратәии амуниципалтәии анапхгараҭара» ибзиаӡаны далгеит.

2022 шықәсазы Аԥсны азакәанԥҵара аҿиара аҿы илагала азы Жәлар Реизара-Апарламент  Аҳаҭыртә шәҟәы ианашьахеит.

Мшаԥымза, 2022 шықәсазы Аԥсны апрокуратура   Хада азини акоррупциа аҿагылара азы азакәанԥҵара анагӡара ахылаԥшра аҭареи рзы Аусбарҭа анапхгаҩы инапынҵақәа рынагӡаҩыс дҟаҵан.  

2022 шықәсазы шықәсырацәа инеиԥынкыланы ламысцқьала Аԥсны апрокуратура аусбарҭақәа рҿы иусура азы «Аԥсны ҳаҭыр зқәу апрокуратура аусззуҩ» ҳәа агәышԥтәы дырга ианашьахеит.  

Лаҵарамза, 2022 шықәсазы, 20 мзартә шықәса инареиҳаны аусура инамаданы, хатәгәаԥхарала ԥхьатәара дцеит.

Дҭаацәароуп, ҩыџьа ахәыҷқәа драбуп.