АԤСНЫ ИМҨАԤЫРГО ИАЛАГЕИТ ИААРТУ АХӘЫҶТӘЫ АРЕИТИНГТӘ ШАХМАТТӘ ТУРНИР «АЛАШАРА

20.Хәажәкыр.2023

Акьыԥхьра

АԤСНЫ ИМҨАԤЫРГО ИАЛАГЕИТ ИААРТУ АХӘЫҶТӘЫ АРЕИТИНГТӘ ШАХМАТТӘ ТУРНИР «АЛАШАРА – ИҚӘЫԤШУ АГӘЫӶРАҚӘА».

Аҟәа. Хәажәкырамза 20, 2023 шықәса. Аԥсныпресс. Аԥсны «Алашара – Иқәыԥшу агәыӷрақәа» ҳәа хыс иаманы, аԥсуа милаҭтә реитинг аихшьаалақәа зцу есымзатәи ахәыҷтәы шахматтә турнирқәа хацыркхеит, ҳәа адырра ҟанаҵоит Аԥсны ашахматқәа Рфедерациа.

Аицлабрақәа мҩаԥысуан хәажәкырамза 18 – 19 рзы Аҟәа ақалақь, А. Карпов ихьӡ зху ашахматқәа рышкол аҿы, даарагьы аинтересс аҵаны имҩаԥысит. Атурнир рҽаладырхәит Аԥсны араионқәа зегьы рҟынтәи 230 - ҩык инарзынаԥшуа аспортсменцәа.

7-шықәса зхымҵыц аҷкәынцәа рыбжьара актәи аҭыԥ ааникылеит Павел Гаврилов (ақ. Аҟәа), аҩбатәи аҭыԥ - Георги Кәыҵниа (ақ. Аҟәа), ахԥатәи аҭыԥ - Михаил Аиба (ақ. Гагра).

7- шықәса зхымҵыц аӡӷабцәа рыбжьара актәи аҭыԥ аанылкылеит Адель Папба (ақ. Аҟәа), аҩбатәи аҭыԥ аанылкылеит Софиа Шәлымба (ақ. Аҟәа), ахԥатәи аҭыԥ аанылкылеит – Сара Лазарева (ақ. Аҟәа).

9- шықәса зхымҵыц аҷкәынцәа рыбжьара актәи аҭыԥ ааникылеит Кристиан Конџьариа (ақ. Аҟәа), аҩбатәи аҭыԥ ааникылеит Давид Џьынџьал (ақ. Аҟәа), ахԥатәи аҭыԥ ааникылеит – Сандро Аҩардан ( ақ. Гәдоуҭа).

9-шықәса зхымҵыц аӡӷабцәа рыбжьара актәи аҭыԥ аанылкылеит Анна Ԥалаванӡиа (ақ. Аҟәа), аҩбатәи аҭыԥ - Адриана Ладариа (ақ. Гагра), ахԥатәи аҭыԥ - Лаура Аргәын (ақ. Аҟәа).

11-шықәса зхымҵыц аҷкәынцәа рыбжьара аиааира игеит Армен Топчиан (Гәылрыԥшь аҳабла), аҩбатәи аҭыԥ ааникылеит Емир Абанос (ақ. Пицунда), ахԥатәи аҭыԥ - Асҭан Ҭаниа (ақ. Гәдоуҭа).

11-шықәса зхымҵыц аӡӷабцәа рыбжьара аиааира лгеит Полина Марченко (ақ. Аҟәа), аҩбатәи аҭыԥ аанылкылеит Анна Ԥалаванӡиа (ақ. Аҟәа), ахԥатәи аҭыԥ – Дариа Шалина (ақ. Аҟәа).

13-шықәса зхымҵыц аҷкәынцәа рыбжьара аиааира игеит Петрос Казанџьиан (ақ. Гагра), аҩбатәи аҭыԥ ааникылеит Георги Георгиан (ақ. Гагра), ахԥатәи аҭыԥ ааникылеит Дамир Абанос (ақ. Гагра).

13-шықәса зхымҵыц аӡӷабцәа рыбжьара аиааира лгеит Николь Карапетиан (ақ. Гәдоуҭа), аҩбатәи аҭыԥ аанылкылеит - Алеқсандра Дбар ( ақ.Гагра), ахԥатәи аҭыԥ аанылкылеит - Мира Кәпалба (ақ.Пицунда).

Аиааирагаҩцәеи аԥхьахәгаҩцәеи иранашьахеит ахраҿақәа, амедалқәа, аҳаҭыртә шәҟәқәа. Аԥснытәи ареитингтә турнир анаҩстәи аетап мҩаԥгахоит мшаԥымза 21 – 23 рзы Аҟәа ақалақь аҿы.

Read 264 times

Иҵегь ари акатегориаҟны « БОРИС БАГАҬЕЛИА САМБО АЗЫ АЗҞАЗАЦӘА РЫБЖЬАРА МОСКВА АХРАҾА АГАРАЗЫ ИААРТУ АТУРНИРИ АИУБИЛЕИТӘ ТУРНИР «РЕТРО-ӠИУДО» РҾЫ АИААИРА ИГЕИТ. АԤСНЫ АДӘНЫҞАТӘИ АУСҚӘА РМИНИСТРРА АДЕЛЕГАЦИАҚӘА ЛИВАНИ АФГАНИСҬАНИ РАХЬ АУСУРАТӘ ҬААРАҚӘА НАРЫГӠОИТ. »

Хыхь

«	Абҵара 2024					»
Ашә	Аҩа	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

АЖӘАБЖЬҚӘА

АԤСНЫ ИМҨАԤЫРГО ИАЛАГЕИТ ИААРТУ АХӘЫҶТӘЫ АРЕИТИНГТӘ ШАХМАТТӘ ТУРНИР «АЛАШАРА – ИҚӘЫԤШУ АГӘЫӶРАҚӘА».