Аҟәа. Хәажәкырамза 5, 2023 шықәса. Аԥсныпресс. Аԥсны Еизгоу акоманда стритлифтинг азы иаарту атәылаҿацәтә турнир аҿы актәи азеиԥшкомандатә ҭыԥ ааннакылеит.
Аԥснытәи аспортсменцәа стритлифтинги уи хазы игоу аелементқәеи рзы иаарту атәылаҿацәтә турнир рхы аладырхәит. Атурнир мҩаԥысит Краснодар ақалақь аҿы.
Марк Муслиумов акырынтә еиҭаҟаҵаз адхра азы актәи аҭыԥ ааникылеит (+32 кь).
Беслан Абыхәба акырынтә еиҭаҟаҵаз аҽышьҭыхра (+32 кь), акырынтә еиҭаҟаҵаз адхра азы (+48 кь), иара убас ҩ-хкык рыла аицлабраҿы «Multilift» (+32 кь/+48 кь) азы актәи аҭыԥ ааникылеит.
Ратмир Кархалаа адхра «Classic», акырынтә еиҭаҟаҵаз аҽышьҭыхра (+16 кь), акырынтә еиҭаҟаҵаз адхра «Classic» азы актәи аҭыԥ ааникылеит, акырынтә еиҭаҟаҵаз адхра азы аҩбатәи аҭыԥ ааникылеит (+24 кь).
Леуан Бжьаниа адхра «Classic» аҿы, акырынтә еиҭаҟаҵаз адхра аҿы актәи аҭыԥ ааникылеит (+16 кь).
Атурнир аихшьаалақәа рыла Ратмир Кархалаа аҽышьҭыхра «Classic» аҿы Краснодартәи атәылаҿацә арекорд шьақәиргылеит, Беслан Абыхәба аҽышьҭыхра «Multilift» (+32 кь) аҿы аспорт азҟазарахь акандидат инорматив анагӡара илиршеит.
Акомандатә зшьа аҿы стритлифтинг азы Аԥсны еизгоу акоманда 93 балл ала актәи аҭыԥ ааннакылеит. В командном зачете сборная Республики Абхазия по у заняла первое место с результатом.
