АЖӘАБЖЬҚӘА

17.Жәабран.2023

УРЫСТӘЫЛАТӘИ АФЕДЕРАЦИА АМИНИСТРЦӘА РЕИЛАЗААРА АҾЫ АӠБАРАТӘИ АБЖЬАҞАЗАРАТӘИ АӠБАМҬАҚӘА РАЗХАҴАРА АЗЫ АԤСНИ УРЫСТӘЫЛЕИ ИРЫБЖЬАРҴАЗ АИҚӘШАҲАҬРА ШЬАҚӘЫРӶӘӶӘАХЕИТ.

Аҟәа. Жәабранмза 17, 2023 шықәса. Аԥсныпресс. Урыстәылатәи Афедерациа Анапхгара аеконоикатә усқәа рзы аӡбаратәи абжьаҟазаратәи аӡбамҭақәа разхаҵара азы Урыстәылеи Аԥсни ирыбжьарҵаз Аиқәшаҳаҭра   иақәшаҳаҭхеит, иара убас уи аратификациа азура азы Аҳәынҭқарратә Дума ахь анашьҭразы Урыстәылатәи Афедерациа Ахада Владимир Путин идгалара азы ақәҵара аднакылеит. Уи азы аусшәҟәы кьыԥхьхеит азинтә информациа азы аофициалтә интернет-портал аҿы.

«Рашәарамза 29, 2022 шықәсазы Санкт-Петербург ақалақь аҿы знапаҵыҩра мҩаԥгаз аеконоикатә усқәа рзы аӡбаратәи абжьаҟазаратәи аӡбамҭақәа разхаҵара азы Урыстәылеи Аԥсни ирыбжьарҵаз Аиқәшаҳаҭра     ашьақәырӷәӷәареи уи аратификациа азура азы Аҳәынҭқарратә Дума ахь анашьҭразы Урыстәылатәи Афедерациа Ахада Владимир Путин идгалареи алыршазароуп ", - ҳәа иаҳәоит иарбоу Ақәҵара атекст аҟны.

Аиқәшаҳаҭра анапаҵыҩра мҩаԥысит рашәарамза 29 инаркны ԥхынгәымза 1, 2022 шықәсазы имҩаԥысуаз Х Петербургтәи жәларбжьаратәи азакәандырратә форум аҿы.

Аиқәшаҳаҭра рнапы аҵарҩит Аԥсны аиустициа аминистр Анри Барцыци уи урыстәылатәи иколлега Константин Чуиченкои.        


Read 294 times
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.