Аҟәа. Жәабранмза 16, 2023 шықәса. Аԥсныпресс. Аԥыза-министр Алеқсандр Анқәаб Аԥсны Аҭҵаарадыррақәа Ракадемиа апрезидент Зураб Џьопуеи, Д.Гәлиа ихьӡ зху Аԥсуаҭҵааратә Институт адиректор Арда Ашәбеи Аҳәынҭқарра Ахада иҟны иҟоу астратегиатә ҭҵаарақәа Рцентр адиректор Виачеслав Чыркба идикылеит. 

Аԥсны аминистрцәа Реилазара аофициалтә саит иҟанаҵо адыррақәа рыла, анаукатә еилазаара ахаҭарнакцәа аҳәынҭқарра аганахьала анаукатә кадрқәа разыҟаҵареи афундаменталтә ахықәкытә ҭҵаарақәеи ахшыҩзышьҭа аҭареи афинанстәреи ирыдҳәалоу актуалра злоу азҵаарақәа рзы доусы ргәаанагарақәа рҳәеит.