Аҟәа. Жәабранмза 15, 2023 шықәса. Аԥсныпресс. Аӡбаҩ Мадина Чанба лхантәаҩрала имҩаԥгаз Аҟәатәи ақалақьтә ӡбарҭа аилатәара аҿы Пархоменко Антон Александр-иԥа ибаандаҩтәра азы аҩныҵҟатәи аусқәа Рминистрра аусеилыргаратә усбарҭа аҟынтәи иаашьҭыз азыҳәамҭа иахәаԥшит, ҳәа иаанацҳауеит Аҟәа ақалақь аӡбарҭа асаит.
Иарбоу ашьаусеилыргара атәыла аҩныҵҟатәи аусқәа Рминистрра аусеилыргара аҟәша ала Аԥсны агәабзиарахьчара Аминистрра Амилаҭтә онкологиатә Центр гәыԥҩык амаҵурауаа рганахьала ихацыркуп:
Аргән Лев Заабеҭ-иԥа – Аԥсны Ашьаусеилыргаратә Закәанеидкыла ахәҭаҷ 157, ахәҭақәа 3, 4, иара убас ахәҭаҷ 294 инарықәыршәаны;
Лагәлаа Нелли Џьоџьа-иԥҳа – Аԥсны Ашьаусеилыргаратә Закәанеидкыла ахәҭаҷ 32, ахәҭа 5, иара убас ахәҭаҷ 157, ахәҭа 4 инарықәыршәаны;
Кәакәасқьыр Лариса Гьаргь-иԥҳа – Аԥсны Ашьаусеилыргаратә Закәанеидкыла ахәҭаҷ 157, ахәҭа 4 инақәыршәаны;
Пархоменко Антон Алеқсандр-иԥа – Аԥсны Ашьаусеилыргаратә Закәанеидкыла ахәҭаҷ 157, ахәҭақәа 3, 4 инарықәыршәаны.
Жәабранмза 15, 2023 шықәсазы Аҟәатәи ақалақьтә ӡбарҭа Пархоменко Антон Александр-иԥа ибаандаҩтәра азы аҩныҵҟатәи аусқәа Рминистрра аусеилыргаратә усбарҭа аҟынтәи иаашьҭыз азыҳәамҭа мап ацәкны иарбоу ахаҿы иганахьала ахьырхәра аҳасабала 1 мызки 27 мши ирылагӡаны аҩнытә баандаҩтәра алнахит.
Иарбоу ашьауӷақәҵара азашшра аӡбамҭа адкылара инаркны хымш ирылагӡаны Аҟәатәи ақалақьтә ӡбарҭа ала Аԥсны Иреиҳаӡоу аӡбарҭа ашьаусқәа рзы Акассациатә коллегиа ахь уи азы азыҳәамҭа анашьҭрала иҟалоит.
Заанаҵтәи аусеилыргара назыгӡо аусбарҭа аверсиа ала, хыхь иарбоу ахаҿқәа акьыбачымазара змоу ауаа иҷыдоу аквалификациатә медицинатә цхыраара рыҭара азы акьыбахҽратә хәшәқәеи ахимиатә маҭәашьарқәеи ишахәҭоу ала ахархәара алыршара иазкны 2004 шықәса инаркны Аԥсны аус зуа аҳәынҭқарратә программа ала ироуаз ахәшәқәеи амаҭәашьарқәеи ачымазцәа рамбулатортә хсаалагақәеи амедицинатә маҵзурақәа рыхәԥса ашәара азы ареестри идырны имцырку арбагақәа ралагаларала, апациентцәа рыхьӡала иҵаҵӷәыркымкәа ахимиатә маҭәашьарқәа асиа ианырхуан. Уи иахҟьаны ареспублика абиуџьет акыр идуу азарал аҭан.ылырҩаауан.
