Иарбоу административтә зинеилагара азы аматериалқәа зегьы аусеилыргаразы Аԥсны аҳәынҭқарратә ҳазылхратә Еилакы аҳазылхратә усеилыргарақәа рыҟәша ахь инашьҭуп.
11.Жәабран.2023
АКЦИЗАТӘ ДЫРГАҚӘА ЗМАМЫЗ АРЫЖӘТӘ ЏЬБАРЕИ АҬАҬЫНИ АХӘШӘҚӘЕИ: АԤЫԤШЫРҬА «ԤСОУ» АҾЫ АКОНТРАБАҬРА АЗЫ АҼАЗЫШӘАРА АԤХЬЫРҞӘҞӘААРА АЛЫРШАХЕИТ.
Аҟәа. Жәабранмза 11, 2023 шықәса. Аԥсныпресс. Жәабранмза 9, 2023 шықәса рзы Аҳазылхратә ԥыԥшырҭа «Псоу» аконтрабати аҳазылхратә цәгьоурақәеи рыԥхьырҟәҟәаара азы аҟәша аусзуҩцәа ироуз аоперативтә информациа ала аҳазылхратә гәаҭара азона, ашьаҟамҩатә хырхарҭа «Импорт» аҿы иааныркылеит иагьгәарҭеит Аԥсны атәылауаҩ зыԥсҟы икыз автомашьына.
Аԥсны Аҳәынҭқарра аҳазылхратә Еилакы аофициалтә саит иҟанаҵо адыррақәа рыла, амашьына асалон аҿы ирыԥшааит иагьрымырхит зыхәԥса 40 537мааҭ рҟынӡа инаӡо ахәшәқәеи 1200 цыра рҟынӡа инаӡо асигаретқәеи 6 ԥаҭлыка рҟынӡа Аԥсны акцизатә еизга адырга змамыз иџьбароу арыжәтәи.
