Аҟәа. Жәабранмза 9, 2023 шықәса. Аԥсныпресс. Урыстәылатәи Афедерациа аҟны аккредитациа змоу, Урыстәыла иҟоу Афганисҭан Ацҳаражәҳәарҭа аделегациа арегионалтә шәарҭадара, Афганисҭан агуманитартә ҭагылазаашьа, иара убас Аԥсни Ааигәатәи Мрагылара атәылақәеи русеицура аҳәаақәа рырҭбаара азы акутуалра злоу аспектқәа ирыдҳәалоу азҵаарақәа рылацәажәара азы Аҟәаҟа иааит, ҳәа адырра ҟанаҵоит Аԥсны адәныҟатәи аусқәа Рминистрра Амедиацентр.
«Еиду Америкатәи Аштатқәа шәҭоурых аҿы иҭархагоу ароль нанагӡеит, зегьы еилырбганы шәнеилажьны ицеит. Аԥсны, жәаҳәарада Урыстәыла алахәхарала аҩганк рганахьала аҳаҭыреиқәҵаратә диалог абжьаҵара иазхиоуп. Агәра ҳгоит шәтәыла аҿы аҭагылазаашьа хара имгакәа ишҭышәынтәалахо. Уи арегионалтә шәарҭадара асистема зегьы азы акырӡа аанагоит. Ҳара Ааигәатәи Мрагылара адиалог активизациа астратегиа наҳагӡоит», - ҳәа инаҵшьны иазгәеиҭеит Инал Арӡынба.
Аԥсны адәныҟатәи аусқәа Рминистрра аделегациа адиалог активизациа азы лшарақәас иҟоу аилкааразы ԥыҭрак ашьҭахь Кабулҟа идәықәлоит.
Инал Арӡынба Афганисҭан адәныҟатәи аусқәа Рминистрра ахада инапынҵақәа назыгӡо Амир Хану Муттаки ихьӡала асалам ишьҭит. .
