Жәабранмза 3 рзы аҳазылхратә ԥыԥшырҭа «Ԥсоу» аусзуҩцәа аҳазылхратә гәаҭара азона, ашьаҟамҩатә хырхарҭа «Импорт» аҿы иааныркылеит иагьгәарҭеит ҩыџьа Аԥсны атәылауаа рнапылеидара. Руаӡәк идырбалеит иагьимырхит 2400 цыра Аԥсны акцизатә еизга адырга змамыз асигаретқәа, егьи – 2000 цыра асигареҭ.
Иарбоу административтә зинеилагара азы аматериалқәа зегьы аусеилыргаразы Аԥсны аҳәынҭқарратә ҳазылхратә Еилакы аҳазылхратә усеилыргарақәа рыҟәша ахь инашьҭуп.
