Аҟәа. Жәабранмза 7, 2023 шықәса. Аԥсныпресс. Урыстәылатәи Аферациа аҟны иҟоу Аԥсны Аҳәынҭқарра ацҳаражәҳәаҩ Алхас Кәыҵниа Урыстәыла иҟоу Аахыҵ Уаԥстәыла Ацҳаражәҳәарҭа даҭааит. Аԥсны Ацҳаражәҳәарҭа апресс-маҵзура иҟанаҵо адыррақәа рыла, Алхас Кәыҵниеи Урыстәыла иҟоу Аахыҵ Уаԥстәыла ацҳаражәҳәаҩ Знаур Гассиеви реиԥылара имҩаԥысит.
Знаур Гассиев Алхас Кәыҵниа иҳараку аҳәынҭҭқарратә маҵзура иахагылара идиныҳәалеит, иусураҿы аихьӡарақәеи ақәҿиарақәеи изеиӷьаишьеит. Адипломатцәа реицәажәараҿы аусеицура ихадоу ахырхарҭақәа ирылацәажәеит, аҩганк зызҿлымҳау азаҵаарақәа рзы доусы ргәаанагарақәа еибырҳәеит.
