Гәалсра дула ҳрыдышшылоит иҭахаз рыуацәеи рҭынхацәеи, рхьаа рыцеиҩаҳшоит ари арыцҳараҟны ааха зауз зегьы».
07.Жәабран.2023
ЛАША АШӘБА ҬЫРҚӘТӘЫЛА ИҞОУ АԤСУЦА КУЛЬТУРАТӘ ЦЕНТРҚӘА РФЕДЕРАЦИА АХАНТӘАҨЫ ИХЬӠАЛА АДЫШШЫЛАРА ИШЬҬИТ.
Аҟәа. Жәабранмза 7, 2023 шықәса. Аԥсныпресс. Аԥсны Жәлар Реизара – Апарламент Аиҳабы Лаша Ашәба Ҭырқәтәыла иҟалаз адгьылҵысра инамаданы Аԥсуа культуратә центрқәа рфедерациа Ахантәаҩы Мураҭ Махариа ихьӡала адышшылара ҟаиҵеит.
Адышшылараҟны иҳәоуп:
«Аԥсны Жәлар Реизара – Апарламент адепутатцәа, ҳтәыла ауааԥсыра зегьы реиԥш гәалсра дула ирыдыркылеит иахьа Ҭырқәтәылатәи Ареспублика аҟны иҟалаз адгьылҵысра ду ахҟьа-ԥҟьақәа. Аԥсабаратә рыцҳара иахҟьаны ауаа аӡәырҩы ҭахеит, зықьҩыла ахәрақәа роуит, нхарҭада инхеит, рыцҳарас иҟалаз, урҭ рхыԥхьаӡараҿы иҟоуп ҳџьынџьуаа – аԥсуа диаспора ахаҭарнакцәагьы.
