Аԥснытәи аделегациа аилазаараҿы иҟоуп – Жәлар Реизара-Апарламент адепутатцәа Беслан Ҳалуашь, Дмитри Маршьан, Герман Каҷараа,  атуризм аминистр Ҭеимураз Хышба, ақыҭанхамҩа аминистр ихаҭыԥуаҩ Артуш Сарибекиан, ақалақьқәеи араионқәеи рхадацәа:  Беслан Ешба (ақ. Аҟәа), Алхас Ҷыҭнаа (Аҟәа араион), Беслан Бигәаа (Очамчыра араион), Баграҭ Боџьгәуа (Гәдоуҭа араион), Константин Ԥлиа (Гал араион),   Аслан Бараҭелиа (Гәылрыԥшь араион),  Ҭемыр Оҭырба (ақ. Афон Ҿыц),  Руслан Хәынцариа (ақ. Пицунда),  Гагра араион ахада актәи ихаҭыԥуаҩ Адамыр Цишба.

Аусуратә ҭаара апрограма иалагалоуп Иаарту Акционертә Еилазаара «КАМАЗ» аҭаара, Иҷыдоу Аекономикатә Зона «Алабуга» аусура аилкаара, ақалақь Иннополис, атехнополис «Химград» рҭаара, уҳәа убас иҵегьы.  

Аԥсны аделегациа Ҭаҭарсҭан аҭаара жәабран 3 рзы ихыркәшахоит.