Аҟәа. Ԥхынҷкәынмза 29, 2022 шықәса. Аԥсныпресс. Апарламент адепутатцәа актәи аԥхьараҿы «Аԥсны аҳәынҭқарра административ-ҵакыратә акқәа рҿы анапхгараҭара азы» Азакәан аиҭакрақәа ралагаларазы Ақәҵара рыдыркылеит. Азакәан апроект адгалара мҩбаԥго абиуџьети акредиттә еиҿкаарақәеи ашәахтәқәеи афинансқәеи рзы апарламенттә Еилакы ахантәаҩы ихаҭыԥуаҩ Дмитри Амаршьан иҳәеит: «Иарбоу аиҭакрақәа рыла араион аҿы иҟоу ақалақьқәа Реизарақәа рзинмчқәа рҟынтәи амҩақәа, апроспектқәа, ашҭақәа, аскверқәа, абульварқәа, апаркқәа, уҳәа рыхьӡқәа рыԥсахреи ахьӡ ҿыцқәа рыхҵареи рзы аӡбамҭақәа рыдкылареи амемориалтә ӷәқәа рышьақәыргылареи, иара убас ақалақь абираҟ, агерб (геральдикатә дыргақәа) рышьақәырӷәӷәареи рзы аӡбамҭақәа рыдкылареи рзы азимчы алгахоит».
Иҟоу азакәан аредакциа инақәыршәаны, иарбоу афункциақәха аҳҭнықалақь Аизареи Аԥсны араионқәа Реизарақәеи ирыҭоуп. Аԥсны аҭыԥантәи ахаланапхгара – атәылауаа ринтересқәа рыхьчара инамаданы, аҭыԥантәи аҵакы змоу азҵаарақәа хазхаҭала рыӡбаразы ауааԥсыра русура аиҿкаара асистеманы иахьҟоу ҳасаб азуны, адепутатцәа хыхь иарбоу азинмчқәа араион аҟны иҟоу ақалақьқәа Реизарақәа рыдҵара ииашахоит ҳәа ирыԥхьаӡеит.
