Аҟәа. Ԥхынҷкәынмза 17, 2022 шықәса. Аԥсныпресс. Владимир Амаршьан ихьӡ зху абокси аиқәԥареи атлетика хьанҭеи рзы ареспубликатә ахәыҷтәы-қәыԥштә спорттә школ аҿы имҩаԥысит атлетика хьанҭа азы Аоеспублика Аԥсны ачемпионат. Атурнир рхы аладырхәыит Гагра, Гәдоуҭа, Аҟәа ақалақьқәа рҟынтәи 40-ҩык инареиҳаны аспортсменцәа.
Атурнир аихшьаалақәа рыла, актәи азеиԥшкомандатә ҭыԥ ааныркылеит Аҟәатәи аспортсменцәа, аҩбатәи аҭыԥ – гагратәи аспортсменцәа, ахԥатәи аҭыԥ ааныркылеит Гәдоуҭа ақалақь аспортсменцәа.
Актәи аҭыԥқәа ааныркылеит: Едуард Акобиан, Герасим Галстиан, Саид Хишба, Уасил Ҳаразиа, Альберт Меликиан, Зураб Ҭарба, Дамир Ԥкьын, Нарсоу Шерозиа, Арсен Манукиан, Едуард Григориан, Дмитри Шацких, Л. Кадариа.
Аҩбатәи аҭыԥқәа ааныркылеит: Данил Ярцев, Дамир Хишба, Данил Гармелиа, Данил Буиуклиан, Артиом Џьыкырба, Саид Анқәаб, Саид Акәыциа, Арноу Анқәаб, А. Мархолиа.
Аџьазтә аԥхьахә игеит Альберт Шамба.
Аиааира згази аԥхьахәқәа заузи амедалқәеи аҳаҭыртә шәҟәқәеи ахраҿақәеи ранашьахеит.
Аусмҩаԥгатә аиҿкаара рхахьы иргеит – Аԥсны аҿари аспорти рзы аҳәынҭқарратә Еилаки Аԥсны атлетика хьанҭа Афедерациеи.
