Ианыхәыҷу аахыс аинвалидра змоу ахәыҷқәа 16 шықәса рхыҵаанӡа есымза 1500 мааҭ роулоит;
Иара убас есымза 1500 рызшәахоит актәи агәыԥ иаинвалидра иаҵанакуа ахәыҷы иныҟәгара азы.
Ахәыҷы иира азы ацхыраагӡатә шәатәы - 7500 мааҭ.
Аизара аилатәара ихы алаирхәит аҳҭнықалақь ахада Беслан Ешба.
Уи ари даара акыр зҵазкуа хҭысуп ҳәа иазгәеиҭеит.
«Ҳара ари аҩыза аус ҳазхәыцны ҳазнеит. Аҳәара ҟаҳҵоит шәахәаԥшны иарбоу арбагақәа шәыдышәкыларц. Ари даара хра злоу усуп», - ҳәа иҳәеит иара.
Аизара аилатәара иалахәыз 12-ҩык адепутатцәа зегьы еицҿакны иарбоу аӡбамҭа рыдыркылеит.
