Аҟәа. Ԥхынҷкәынмза 22, 2022 шықәса. Аԥсныпресс. Цәыббрамза 1 инаркны ԥхынҷкәынмза 22, 2022 шықәсанӡа Аԥснынтәи Урыстәылаҟа експортла идәықәҵахеит 20 246 тонн амандарина, ҳәа Аԥсныпресс акорреспондент адырра ирҭеит Аԥсны аҳәынҭқарратә ҳазылхратә Еилакы аҿы. Иҳаҩсыз ашықәс аиԥш-зеиԥшу аамҭахәҭа азы Аԥснынтәи иалганы иган 14 877 тонна амандарина.
Цәыббрамза алагамҭа инаркны Аԥснынтәи Урыстәылаҟа ииаган 92,7 тонна ахәырмеи 776,5 тонна афеихои. Иҳаҩсыз ашықәс азы арҭ арбагақәа акыр еиҳан: ахәырма – 1 076,8 тонна, афеихо – 1 865,6 тонна.
Ажьырныҳәамза инаркны ареспублика иалганы иган 4 нызықь тоннеи 287 кьылеи араса, 2021 шықәсазы – 2 нызықь тоннеи 708 кьылеи.
