Ԥхынҷкәынмза 16 рзы Аҟәа ақалақь, Ахақәиҭра Ашҭа аҟынтәи амҩа иқәлеи Аԥсны Иҷыдоу аҭагылазаашьақәа рзы Аминистрра агуманитартә колонна. Агуманитартә еидара Лугансктәи Жәлартә Республикеи Донецктәи Жәлартә Республикеи Запорожтәии Херсонтәии аобластқәеи рахь идәықәҵахеит. Уи дацны дцеит аиқәырхаратә Хылаԥшырҭа ахада Лев Кәыҵниа.
Иазгәаҭатәуп, Урыстәылатәи Афедерациа зегьы иахьаҵанакуа имҩаԥысуа агуманитартә акциа ишадгыло урыстәылазегьтәи ауаажәларратә еиҿкаара «Молодая гвардия» аволонтиорцәагьы. Аволонтиортә центрқәа аартхеит Херсонтәии Запорожтәии аобластқәеи, иара убас Лугансктәи Жәлартә Республикеи Донецктәи Жәлартә Республикеи рыҟны.
