Атәыла адәныҟатәи аусқәа Рминистрра ахаҭарнакцәа ргәаанагара ианазыӡырҩы ашьҭахь, адепутатцәа иарбоу азҵаара ала ирыдгалаз аматериалқәа рыҭҵаареи, анаҩс иааиуа Акомитет аилатәарақәа руак аҿы урҭ рыхәаԥшреи рзы аӡбамҭа рыдыркылеит.
12.Ԥхынҷкәын.2022
ЖӘЛАРБЖЬАРАТӘИ, АПАРЛАМЕНТБЖЬАРАТӘИ АИМАДАРАҚӘА РЗЫ АПАРЛАМЕНТТӘ ЕИЛАКЫ АИЛАТӘАРА РХЫ АЛАДЫРХӘИТ АДӘНЫҞАТӘИ АУСҚӘА РМИНИСТРРА АХАҬАРНАКЦӘА.
Аҟәа. Ԥхынҷкәынмза 12, 2022 шықәса. Аԥсныпресс. Аԥсны Жәлар Реизара-Апарламент аҿы Алхас Барцыц ихантәаҩрала имҩаԥысит жәларбжьаратәи, апарламентбжьаратәи аимадарақәеи аџьынџьуаа рымадареи рзы апарламенттә Еилакы аилатәара. Уи ихы алаирхәит атәыла адәныҟатәи аусқәа рминистр ихаҭыԥуаҩ Одиссеи Бигәаа.
Аилак аилатәара аҿы ирылацәажәеит адипломатиатә маҵзура азы азакәан апроект аиқәыршәара азы Аԥсны адәныҟатәи аусқәа Рминистрра ажәалагалақәа.
