Аҟәа. Ԥхынҷкәынмза 8, 2022 шықәса. Аԥсныпресс. Аманда Касланӡиа/. Арепатриациа азы аҳәынҭқарратә Еилакы ахантәаҩы Вадим Ҳаразиеи Адунеизегьтәи аԥсуа-база жәлар Рконгресс Иреиҳаӡоу Ахеилак ахантәаҩы Мусса Еқьзеқьи аусеицуразы аԥкаанҵа рнапы аҵарҩит.
Иарбоу аусшәҟәы ахықәкы — адемографиатә политикеи арепатриантцәа рыҽрымадареи рзы аусхкы аҿы азеиԥш хыдҵақәа рынагӡара.
Мусса Еқзеқь, ари аусшәҟәы анапаҵыҩра Адунеизегьтәи аԥсуа-база жәлар Рконгресс аҿаԥхьа игылоу ахыдҵақәа жәпакы рыӡбара иацхрауеит ҳәа иазгәеиҭеит.
Вадим Ҳаразиа Мусса Еқзеқь Иреиҳаӡоу аԥсуа-база жәлар Рконгресс Иреиҳаӡоу Ахеилак ахантәаҩыс иалхра идиныҳәалеит, иара убас имҩаԥысуа аусура шацҵахо азгәеиҭеит.
«Иҟалар ҟалап ари асуеицура ҵакыс иамоуи ҳәа аӡәы иҳәаргьы? Аха Адунеизегьтәи аԥсуа-база жәлар Рконгресс Иреиҳаӡоу Ахеилак адемографиатә проблемақәа рыӡбара аганахьала иҟанаҵо ашьаҿақәа акыр аҵак ду амоуп. Ҳара ҳазну амҩа акуп», – ҳәа иҳәеит Вадим Ҳаразиа.
Адунеизегьтәи аԥсуа-база жәлар Рконгресс аизара ду аҳәаақәа ирҭагӡаны, Ҭырқәтәыла иҟоу аԥсуа культуратә Центрқәа аус рыцура азы аԥкаанҵақәа рнапаҵыҩрагьы мҩаԥысит.
Ҭырқәтәыла иҟоу Аԥснытәи акультуратә центрқәа Рфедерациа анапхгаҩы Мураҭ Махариа еизаз зегьы дрыдныҳәало иҳәеит: «Аԥсны Актәи Ахада Владислав Арӡынба ила иаԥҵаз аиҿкаара Адунеизегьтәи аԥсуа-база жәлар Рконгрес имҩаԥнагаз аусура зегьы ахәшьара ҳаракы анаҭоит. Ари – аԥсуа-база жәлар зегьы реизҳазыӷьара иазкны аус зуа аиҿкаара ауп», – ҳәа иҳәеит иара. сказал он.
