Иҟоу адыррақәа рыла, хабарда ибжьаӡыз ауаҩы агәхашҭра чымазара имоуп. Аиқәырхаҩцәа амшын аԥшаҳәа иахьаҵанакуеи ааигәа-сигәа иҟоу аҭыԥқәеи рҿы аԥшаарақәа мҩаԥыргоит. Аха макьаназы алҵшәақәа ҳәа акгьы ыҟам.
01.Ԥхынҷкәын.2022
АИҚӘЫРХАҨЦӘА ХАБАРДА ИБЖЬАӠЫЗ АЛАДА ЕШЫРА АҚЫҬАН ИНХО АХАҴА ИԤШААРА ИАҾУП.
Аҟәа. Ԥхынҷкәынмза 1, 2022 шықәса. Аԥсныпресс. Иҷыдоу аҭагылазаашьақәа рзы Аминистрра абылраҽыхьчаратә Маҵзура аусзуҩцәеи шәагаала имаҷу аӷбқәа рзы аҳәынҭқарратә инспекциа аусзуҩцәеи абар шьҭа ҩымш ирылагӡаны хабарда ибжьаӡыз, Аҟәа араион Алада Ешыра ақыҭан инхо, 1946 шықәса рзы ииз Арам Даваџьиан иԥшаара иаҿуп, ҳәа иаанацҳауеит Иҷыдоу аҭагылазаашьақәа рзы Аминистрра апресс-маҵзура.
