Аилацәажәара ахәҭа ду аинвестициатә проектқәа ирзыкын. Аҳәынҭқарра Ахада аԥыза-министр  Алеқсандр Анқәаб инапы ианиҵеит аинвестпроектқәа рынагӡара инамаданы аҭагылазаашьа ҷыдала ахылаԥшра аҭара.  «Ҳнапаҿы амҩатә хсаала ҳамазароуп: аусурақәа ралагамҭа, урҭ рынагӡаразы аамҭеихшара, иҟалар зуа ауадаҩрақәа реиқәыԥхьаӡа зныԥшуа адокументқәа. Уи адагьы, Ахада Иадминистрациаҟны мызкы ахьтә знык имҩаԥыслоит «аинвестициа асааҭ», иҟоу аҭагылазаашьақәа рыхцәажәара, анализ азура ахьымҩаԥысло. Лыҵшәа бзиала аусеицуразы арҭ аусмҩаԥгатәқәа мҩаԥыслоит аинвесторцәа рхаҭарнакцәа алархәны», - иҳәеит Аҳәынҭқарра Ахада. 

«Еилкааны иҳамазроуп ахыдҵақәа аҩ-ганкгьы инхарҭәааны ишынарыгӡаракәу. Ҳара адокументқәа ирыҵаҳаҩуеит, нас жәашықәсала аинвесторцәагьы ҳбом, алҵшәақәагьы, аҭыԥқәа аҳәыра рхиаалоит. Ас ҟалашьа амаӡам, избан акәзар аинвесторцәа рыҟнытә аҳәынҭқарра иаиуа ахашәалахәқәа – асоциалтә проектқәа рынагӡара иазкхоит», -  ҳәа аихшьаала ҟаиҵеит Аҳәынҭқарра Ахада.

Аилацәажәара иалахәын аԥыза-министр Алеқсандр Анқәаб, Аԥсны Жәлар Реизара – Апарламент Аиҳабы Лаша Ашәба, Аҳәынҭқарра Ахада Иусбарҭа  Анапхгаҩы Џьансыхә Нанба, аԥыза-министр актәи ихаҭыԥуаҩ, ақыҭанхамҩа аминистр Беслан Џьопуа, аԥыза-министр ихаҭыԥуаҩ, аекномика аминистр Кристина Озган, Аҳәынҭқарратә мазара анапхгараҭареи априватизациеи рзы аҳәынҭқарратә усбарҭа ахантәаҩы Беслан Кәыбраа.

Источник: https://apsnypress.info/ru/novosti/item/2508-aslan-bzhaniya-provel-rabochee-soveshchanie-po-aktualnym-voprosam-energetiki-i-investitsionnoj-deyatelnosti-v-respublike.

© АПСНЫПРЕСС.