Аҟәа. Абҵарамза 17, 2022 шықәса. Аԥсныпресс. Аԥсны аҩныҵҟатәи аусқәа рминистр Вальтер Быҭәба Очамчыра араион аҩныҵҟатәи аусқәа русбарҭа даҭааит. Уи аусбарҭа анапхгаҩы ҿыц Аинар Коӷониа идгалара мҩаԥигеит.
Амилициа аподполковник Аинар Коӷониа 2013 шықәса раахыс аҩныҵҟатәи аусқәа рыҟәша аҿы аус иуеит.
Иреиҳаӡоу иҷыдоу аҵарадырра иоуит Урыстәыла аҩныҵҟатәи аусқәа Рминистрра иатәу Краснодартәи ауниверситет аҿы, анаҩс Аԥсны аҩныҵҟатәи аусқәа Рминистрра ашьаустә ԥшаара аусбарҭа аоперативтә зинмчы змоу имаҵураҭыԥ аҿы аусура далагеит.
2016 шықәса инаркны нанҳәамза, 2017 шықәса рҟынӡа Аҟәа ақалақь аҩныҵҟатәи аусқәа Русбарҭа амилициа аоперативтә зинмчы змоу ацуҭа аусзуҩ инапынҵақәеи зықәра наӡам русқәа рзы аҟшеиҵеи ауаажәларратә шәарҭадара азы аҟәшеиҵеи рҿы аус иуан.
2017 – 2020 шш. Аҩныҵҟатәи аусқәа Рминистрра анаркотикатә маҭәашьарқәа изакәанымкә реикәыршара аҿагылара азы Аусбарҭа анапхгаҩыс аус иуан.
Лаҵарамза, 2020 шықәса рзы Гәылрыԥшь араион аҩныҵҟатәи аусқәа рыҟәша аиҳабы актәи ихаҭыԥуаҩыс, акриминалтә милициа аиҳабыс дҟаҵан.
Абҵарамза 16, 2022 шықәсазы атәыла аҩныҵҟатәи аусқәа рминистр иҟаиҵаз адҵа ала, Аинар Коӷониа Очамчыра араион аҩныҵҟатәи аусқәа рыҟәша аиҳабы инапынҵақәа рынагӡаҩыс дҟаҵан.
