Аҟәа. Абҵарамза 14, 2022 шықәса. Аԥсныпресс. Абҵарамза 15 рзы Москаватәи Акультура-усуратә Центр «Москва Аҩны» аҿы «Москва литературная» ҳәа хыс измоу ацәыргақәҵа аатуеит.
Аекспозициа аҿы ицәыргақәҵахоит москватәи аҭыжьырҭақәа рҿы иҭыжьыз ашәҟәқәа: асахьаркыратә классикеи ҳаамҭазтәи асахьаркыратә рҿиамҭақәеи, иара убас ахәыҷтәы литература, еиуеиԥшым ахырхарҭа змоу ашәҟәқәа – аҿыханҵа, архитектура, згәабзиара аиҷаҳарала анхара, уҳәа еиуеиԥшым атемақәа ирызку.
Ацәыргақәҵа аҳәаақәа ирҭагӡаны урыстәылатәи ашәҟәыҩҩцәа – Урыстәылатәи Афедерациа акультура зҽаԥсазтәыз аусзуҩ, Урыстәыла ашәҟәҭыжьыҩцәа Рассоциациа (АСКИ) апрезидент, аҭыжьырҭа «Белый город» адиректор Хада Константин Чечениов, афилологиатә наукақәа ркандидат, алитературадырҩы, апоетесса, апублицист, аиҭагаҩ, Урыстәыла ашәҟәыҩҩцәа Реидгыла ахантәаҩы ихаҭыԥуаҩ Нина Попова, Урыстәыла ашәҟәыҩҩцәа Реидгыла алахәыла, Урыстәыла аПЕН-центр алахәыла, урыстәылатәи ахәыҷтәы шәҟәыҩҩы, апедагог, апсихолог Анна Гончарова алархәны арҿиаратә хәылԥазқәа рымҩаԥгара азԥхьагәаҭоуп.
Ацәыргақәҵа апрограмма иалалеит:
Абҵарамза 15 (аҩаша)
15 сааҭи 30 минуҭи инадыркны 16 сааҭ рҟынӡа асасцәа реизара, аусмҩаԥгатә алахәылацәа рыла ацәыргақәҵа ахәаԥшра. 16 сааҭ инаркны 18 сааҭ аҟынӡа урыстәылатәи ашәҟәыҩҩцәа рырҿиаратә еиԥылара. Аусмҩаԥгатә амҩаԥгара аҭыԥ: Москватәи Акультура-усуратә Центр «Москва Аҩны», аконференц-зал (3-тәи аихагыла).
Абҵарамза 16 (ахаша)
11сааҭ инакны 12сааҭи 30 минуҭи рҟынӡа, иара убас 14 сааҭи рзы имҩаԥгахоит Анна Гончарова лмастер-класс. Аусмҩаԥгатә амҩаԥгара аҭыԥ: Москватәи Акультура-усуратә Центр «Москва Аҩны», аконференц-зал (3-тәи аихагыла).
