Исымоу аҭагылазаашьа схы иархәаны иазгәасҭар сҭахуп Аԥсни Урыстәылеи рыдәныҟаполитикатә усбарҭақәа рыбжьара аусеицура хра ду аманы ишыҟоу.
Абри амш ҷыдаз ишәзеиӷьаҳшьоит аҭынчра, ашәҭыкакаҷра, аманшәалара.
04.Абҵара.2022
АԤСНЫ АДӘНЫҞАТӘИ АУСҚӘА РМИНИСТР ИНАЛ АРӠЫНБА УРЫСТӘЫЛАТӘИ АФЕДЕРАЦИА АДӘНЫҞАТӘИ АУСҚӘА РМИНИСТР СЕРГЕИ ЛАВРОВ АҲӘЫНҬҚАРРАТӘ НЫҲӘА – ЖӘЛАР РАКЗААРА АМШ ИДИНЫҲӘАЛЕИТ.
Аҟәа. Абҵарамза 4, 2022 шықәса. Аԥсныпресс. Аԥсны Адәныҟатәи аусқәа рминистр Инал Арӡынба Урыстәыла Адәныҟатәи аусқәа рминистр Сергеи Лавров аҳәынҭқарратә ныҳәа – Жәлар ракзаара Амш идиныҳәалеит.
Адныҳәалараҿы иаҳәоит:
Аԥсадгьыл ахь абзиабара, Аџьынџь азы аҭакԥхықәра, иарбан аамҭазаалак азы аидгылара – милаҭ рацәала еилоу урыстәылатәи ажәлар ирҟазшьа ҷыдоуп. Иахьа арҭ адоуҳатә беиарақәа ҵаҵӷәны иҟоуп урыстәылатәи ауаажәларратә еилазаара рзы, ирымоуп аҵак ҷыда.
