Аҟәа. Абҵарамза 4, 2022 шықәса. Аԥсныпресс. Аԥыза-министр ихаҭыԥуаҩ, аекономика аминистр Кристина Озган аԥшьаша ахәылбыҽха, абҵарамза 3 рзы, Ареспубликатә унитартә Наплакы «Амшынеиқәафымцамч» аамҩақәҵараатә усбарҭа хада аҿы атехникатә штаб аилатәара мҩаԥылгеит.
Звольҳараку афымцацәаҳәа «Аҽгәара» аҿы жьҭаарамзазы ихацыркыз аиҭашьақәыргыларатә усурақәа Урыстәылантәи иаауаз афымцамч ҽҳәараанӡа аанкылара иахҟьаны иаанкылахар акәхеит. Жьҭаарамза 1 инаркны абҵарамза 1 - нӡа 32 звольҭараку афымцамҩангагақәа рҟынтәи 24 рыԥсахра алыршахеит.
Иҳаҩсыз ҩымш рыла Ареспубликатә унитартә Наплакы «Амшынеиқәафымцамч» атехникатә маҵзура ихымԥадатәиу аужьҭра-еиқәыршәаратә усурақәа ркомплекси иаарԥшхаз апроблемақәа рырҽеира иазку аусмҩаԥгатәқәеи рынагӡара иаҿын.
Аусурақәа анхыркәшаха ашьҭахь, абҵарамза 3, 21 сааҭи 02 минуҭи рзы звольҳараку афымцамҩангага ЗА-220 «Аҽгәара» аԥышәаратә режим ала амчхара 250 МВт аҭаны аусуразы иаҿакын. Аха 21 сааҭи 10 минуҭи рзы автоматтә хьчара асистема аус ауит, уи иахҟьаны афымцацәаҳәа аҿыхын. Афымцацәаҳәа еиҵоу амчхарала аиҭакҿакра азы аӡбамҭа рыдыркылеит.
«Амшынеиқәафымцамч» аҟынтәи иҳауо адыррақәа рыла, уажәазы афымцацәаҳәа аԥкрақәа аманы аус ауеит.
Ашара алагамҭазы ари афымцацәаҳәа аҿы аиҭашьақәыргыларатә усурақәа ирыцҵахеит. Аус иалагалоуп Ареспубликатә унитартә Наплакы «Амшынеиқәафымцамч» иатәу иарбоу аус иазку амаҵзурақәа зегьы.
