Аԥсны агәабзиарахьчара аминистрра апресс-маҵзура излаанацҳауа ала, аиԥылара ашьҭахь Гәниа Урыстәылатәи Афедерациа агәабзиарахьчара аминистрра иналукааша аусбарҭақәа русушьа еиликааит:

-М. Ф. Владимирски ихьӡ зху Москватәи аобласттә ҭҵаарадырратә клиникатә институт;

- Урыстәыла агәабзиарахьчара аминистрра иатәу афтизиопульмонологиеи аҿкчымазарақәеи рмилаҭтә медицинатә ҭҵааратә центр;

- Академик Е. И. Чазов ихьӡ зху акардиологиа амилаҭтә медицинатә ҭҵааратә центр;

-Н.И. Пирогов ихьӡ зху амилаҭтә медико-хирургиатә центр.

Аҭаара аҳәаақәа ирҭагӡаны иазԥхьагәаҭоуп акрызҵазкуа аиԥыларақәа, Урыстәыла агәабзиарахьчара аминистр Михаил Мурашкои иареи  реиԥылареи апрофильтә департаментқәеи Рфедералтә фонд анапхгаҩцәа рыҿцәажәарақәеи налаҵаны.

Арҭ аиԥыларақәа иалдыршоит ҩ-ганктәи аинырра ахықәкы хадақәа рылацәажәара, агәабзиарахьчара аганахьала ԥхьаҟатәи аусеицуразы ашьаҿақәа разгәаҭара.