Аиԥылара тема хаданы иазыҟалеит аҷаҷачымазара змоу ачымазцәа иҷыдоу амедицинатә цхыраара рыҭара азҵаарақәа рзы аинырра, иара убас ареспублика ауааԥсыра ари ацхыраара ахьроуа алшарақәа рырҭбаара.

Аԥсны ҩымш иҟаз атрансплантологиеи иԥсабаратәым аорганқәеи рцентр аҟынтәи Урыстәылатәи аспециалистцәа ареспубликатә хәышәтәырҭаҿы агемодиализ аҟәша аусушьа гәарҭеит.

Аԥсны агәабзиарахьчара аминистрра ареспублика аиҳабыра рыцхыраарала есышықәса инанагӡоит апрограмма «Аҷаҷачымазара змоу рзы атерапиа аиҿкаара». Уи анагӡаразы иазоужьхоит 60 млн мааҭ аҳәынҭқарратә ԥара.