Аграртә политикеи, аԥсабаратә ресурсқәеи, аекологиеи рзы аилак ахантәаҩы Темур Беиа ақыҭанхамҩатә дгьылқәа егьырҭ акатегориақәа рахь риагаразы аҿҳәара ацҵара ахҳәаа аиҭеит.
Адепутат иргәалаиршәеит уаанӡатәи аморатори аҿҳәара ԥхынгәымза 1 азы ишынҵәо. Убри аан Адгьылтә кодекс ҿыц апроект Аҳәынҭқарра Ахада Иусбарҭаҟынтәи Апарламент ахь ианнеи иҳаҩсыз амчыбжь азы шаку. Беиа иажәақәа рыла, адепутатцәа аусшәҟәы инҭырҳәцааны ахәаԥшра иахьымӡаӡац, аха ҭагалан азы ари аус ахыркәшара ргәы иҭоуп.
«Ари азҵаара 2026 шықәса абҵарамза 1-нӡа иацаҳҵар бзиан. Иарбоу аҿҳәара иалагӡаны Адгьылтә кодекс апроект инагӡаны иҭҵаахоит», - ҳәа азгәеиҭеит Ҭемыр Беиа.
Адепутат ӷәӷәала акритика азиуит аҵыхәтәантәи ашықәсқәа рзы ишьақәгылаз, асасааирҭақәеи атуристтә комплексқәеи рыргыларазы араионқәа рҿы ақыҭанхамҩатә дгьылқәа рыстатус массала аԥсахра апрактика. Иара иажәақәа рыла, асеиԥш иҟоу акоммерциатә проектқәа 99,9% рҟынӡа нагӡамызт. Адепутат агәра ганы дыҟоуп адгьылқәа ақыҭанхамҩатә еикәыршара ишалырго аиҭаҭиразы, економикатә ҿиаразы акәымкәа.
