Аҟәа. Жьҭаарамза 30, 2022 шықәса. Аԥсныпресс. Аԥснытәи аҭаҷкәымҟьаҩ Баҭал Чежьиеи урыстәылатәи аспортсмен Максим Смирнови Урыстәыла араӡны чемпион ҳәа атитул аиура азы имҩаԥыргаз аиндаҭлара аҿы еиҭахеит. Аиндаҭлара зыкапантә категориа 79 кьыла рҟынӡа инаӡо рыбжьара имҩаԥысуан, ҳәа иаанацҳауеит аҿари аспорти русқәа рзы аҳәынҭқарратә Еилакы.
8 раундк рыла ишьақәгылаз аиндаҭлара жьҭаарамза 29 рзы Москва ақалақь, Ирина Винер-Усманова лыхьӡ зху агимнастика Ахан арена аҿы имҩаԥысит.
Баҭал Чежьиа – ажунал «Про Бокс» аверсиа ала Ихьыԥшым аҳәынҭқаррақәа Реиҩызареи аславиантә тәылақәеи рчемпион атитул змоу иоуп. Апрофессионалтә ринг аҿы уи имҩаԥигахьеит 17 еиндаҭлара, урҭ рахьынтә 11 еиндаҭлара рҿы аиааира ргеит, 3 еиндаҭларак еиҭахарала ихыркәшахеит.
