Астенд агәаҭараан атәыла ахада Михаил Мишустин изеиҭеиҳәеит ареспублика асоциал-економикатә ҿиара арбага хадақәа ртәы. Бадра Гәынба инаҵшьны иазгәеиҭеит Урыстәылатәи Афедерациа иҟанаҵо ацхыраара аҵак ду шамоу, иҭабуп ҳәа реиҳәеит Аԥсны ганрацәала иахьадгыло азы.

Ахәҭакахьала, Аҳәынҭқарра ахада, шықәсык аԥхьа аиҭашьақәыргылара ашьҭахь иаартыз Владислав Арӡынба ихьӡ зху жәларбжьаратәи аҳаирбаӷәаза «Аҟәа» аҵакы змоу алҵшәақәа аанарԥшхьеит ҳәа азгәеиҭеит. Ари аамҭа кьаҿ иалагӡаны иаднакылеит 120 нызқьҩык инареиҳаны апассаџьырцәа, уи ареспублика аекономикатә ҿиаразы акрызҵазкуа факторуп.

Иара убас аекономика аминистр Ҭеимураз Амқәаб Аԥсны ҳаамҭа иақәшәо ашьха-шәҩатә курорт аԥҵаразы аинвестициатә проект аӡыргара мҩаԥигеит.
Урыстәылатәи Афедерациа Аиҳабыра ахантәаҩы Михаил Мишустин ареспубликаҿы имҩаԥысуа аиҭакрақәа рдинамика ахәшьара бзиа аиҭеит.