Ельвира Ҭодуа иазгәалҭеит Амедиалига Аԥсны иахьаадыртуа ахә ҳаракны ишылшьо, илҳәеит атурнир Урыстәыла ибзианы ахы шаанарԥшыз. Лара лажәақәа рыла алига аларҵәара бзиа амоуп, ари аформат змоу хәмаррақәак атрадициатә шьапылампыл ахәмаррақәа раасҭа акырӡа еиҳаны ауаа анахәаԥшуа ыҟоуп.
«Ари шьаҿа дууп Аԥсны ашьапылампылтә спорт арҿиараҿы. Сара сгәыӷуеит ари аицлабра еиҳау акы азы хыҵхырҭаны иҟалап ҳәа», - лҳәеит Ҭодуа.
Лара атәылаҿы ашьапылампыл аҿиара ацхрааразы агәазыҳәара аалырԥшит. Аспортсменка иазгәалҭеит лажәалагалақәа аҿари аспорти рзы Аҳәынҭқарратә еилакы
аҿы адгылара шарҭаз.
«Сара ара сзыҟоу ахәаԥшцәеи аинвесторцәеи радыԥхьалара мацаразы акәӡам, исҭахуп ахәыҷтәы шьапылампыл аҿиара сацхраарц, аиҳаракгьы аӡӷабцәа рыбжьара»,-лҳәеит Ҭодуа, иагьацылҵеит Амедиалигаҿы аҳәсагьы ахацәагьы командак иалахәхар шауа.
