14.Мшаҧы.2026
Ҟабарда-Балкариа Агәабзиарахьчара Аминистрра Аԥсны ҳамҭас иарҭеит УЗИ-аппарат
ҞБА Ахада Аԥсны агәабзиарахьчара Аминистрра ҳамҭас иеиҭеит ҳаамҭазтәи УЗИ-аппарат Mindray M6. Аппарат рыҭан агәабзиарахьчара аусхк аҟны ареспубликақәа рыбжьара ҩ-ганктәи аусеицуреи аиҩызаратә еимадарақәеи рырӷәӷәара аҳәаақәа ирҭагӡаны.
Амыруга ҿыц Аҟәа Ареспубликатә хәышәтәырҭа иеиҭеит ҞБА агәабзиарахьчара аминистр Рустам Калибатов, аҳамҭа идикылеит Аԥсны агәабзиарахьчара аминистр Едуард Быҭәба.
Аԥсны Агәабзиарахьчара Аминистрра анапхгара Ҟабарда-Балкариа аиҳабыра иҭабуп ҳәа рарҳәеит атехникатә база арҿыцраҿы иҟарҵаз ацхырааразы. Иазгәаҭан ҳаамҭазтәи аппарат ахархәара ишалнаршо амедицинатә маҵзура аҩаӡара акыр аизырҳара.
