Аконференциа мҩаԥгахоит 2026 шықәсазы Нижни Новгород — Максим Горки иԥсадгьыл аҿы.
Аделегациа аилазаара иалалеит амузеи адиректор Светлана Корсаиеи аҭҵаарадырратә усзуҩ еиҳабы Заира Кәакәасқьыри.
2025 шықәсазы Нижни Новгород акультура амшқәа раан Аҟәа ихацыркыз аусеицура иацызҵо ари аныҟәара еиҿкаауп А.М. Горки иҳәынҭқарратә музеи ааԥхьарала.

Аконференциа тема хаданы иҟалоит «XXI ашәышықәсазы Горки М. иҭҵаара». Аҭҵаарадырратә программа иаҵанакуеит ашәҟәыҩҩы илитературатә ҭынхеи акультура-ҭоурыхтә процессқәа рҿы ирольи ирызку ажәахәқәеи аиҿцәажәарақәеи.
Светлана Корсаиа ажәахә ҟалҵоит С.Ҷанба ихьӡ зху Аԥснытәи аҳәынҭқарратә драматә театр асценаҿы иқәыргыло Горки ипиеса «Аҵыхәтәантәиқәа» иазкны.