Хәажәкырамза 4-5 рзы имҩаԥган иаарту амастер-класс, иара убас аныҳәатә концерт. Апрограмма иалахәын Белгородтәи академиатә оркестри асолисткацәа Алиса Гыцбеи Надежда Сорокинеи.
«Белгородҟа ахынҳәра сара сзы хҭыс ҷыдоуп. Аҭагылазаашьа шыуадаҩызгьы ҵыԥхгьы азал ҭбааҭыцә уааԥсырала иҭәын. Уажәы афиларниаҿы аконцерт анаҩсангьы, ҳлабораториа амастер-класс мҩаԥнагеит. Алахәылацәа аус рыдаҳулон, атехника анаҩсангьы хшыҩзышьҭра аҳҭон анагӡара асахьаркыратә гангьы: адикциа инаркны аҭеиҭыԥш аҟынӡа. Ахҭыс ахь азҿлымҳара ду иаанарԥшит акультура иахьа даҽа аамҭак еиԥшымкәа ишхымԥадатәиу. Аицлабра иалахәу зегьы ирзеиӷьасшьар сҭахуп ақәҿиарақәа, Белгород ауааԥсыра - ачҳареи агәаӷьреи!» — лҳәеит Алиса Гыцба аинформациатә маҵзура «Аԥсныпресс» аинтервиу аналҭоз.
Апроект нагӡоуп акультуратә аԥшьгарақәа ирызку Аԥсны Ахада ифонди атәыла Анапхгареи иҟарҵаз адгылара иабзоураны.
