Абри азы аҳәамҭа ҟаиҵеит Аҟәатәи иаарту аинститут аректор Валери Кәарҷиа. Уи игәаанагарала, ақыҭа аиқәырхараҿы акырӡа аҵанакуеит аграртә фирмақәа рымҽхак арҭбаара, аконсервтә зауадқәа реиԥш иҟоу аиндустриатә обиектқәа русура ашьақәыргылара.

Аусуратә ҭыԥқәа рзымхара иадҳәалоу азҵаарақәа рыӡбара ихадоу хырхарҭаны иҟалароуп. Валери Кәарҷиа игәаанагарала ари апроблема аӡбаразы акомплексттә знеишьа аҭахуп.

Ас еиԥш иҟоу ауснагӡатәқәа ирыбзоурахоит аҭыԥантәи акадрқәа реиқәырхара. Ақыҭа аанхоит амилаҭтә хаҿра зыхьчоу ажәлар руаҩышәаратә ҟазшьақәа еиқәзырхоу ҭыԥны.