Амемориалтә ӷәы шьақәыргылахоит дахьынхоз, Чачба имҩаду, аҩны №9 аҿы.
Аҟәа ахада Ҭемыр Агрба иҟаиҵаз ари ажәалагала ақалақьтә еизара адепутатцәа еицҿакны иадгылеит, иазгәарҭеит атәыла аҭоурых аҿы Важа Зарандиа ихаҭара иамоу аҵакы.
Иуадаҩыз 1992-1993 ашықәсқәа рзы Аԥсны аԥыза-министрс дыҟан, Аԥсны Аџьынџьтәылатә еибашьраан атыл аусура аиҿкаареи, анаҩс аҳәынҭқарра аиҭашьақәыргылареи рҿы хәы змаӡам алагала ҟаиҵеит.
