Иарбоу аицҵалыҵ аҟынтәи 109 млн. 38 нызықь мааҭ ауааԥсыра амедицинатә цхыраара рыҭара иазырхахоит.

Убас:

• Зцәа зтәым аҳәса, иаарласны ахшара дзоураны иҟоу аҳәса, ҿыц ахшара дзоуз аҳәса аҳәынҭқарратә медусбарҭа астационар аҿы рыҟазараан амедицинатә аалыҵқәеи ахәшәқәеи рыла реиқәыршәаразы – 12 млн. 488 нызықь мааҭ;
• Акьыбачымазара змоу ауаа иҷыдоу ахимиатә маҭәашьарқәа рыла реиқәыршәара азы – 96 млн. 550 нызықь мааҭ.

Амилаҭтә акьыбачымазаратә Центр аҿы ашәҟәы иҭагалоу акьыбачымазара змоу ауаа актәии аҩбатәи асхемақәа (аетапқәа) ирықәшәо, иара убас ахәҭакахьала ахԥатәи аетап иазку ахимиатә маҭәашьарқәа рыла еиқәыршәахоит. 

Афонд анапхгараҭара аппарат аусура азы ахарџьқәа – 4 млн. 557 нызықь мааҭ рҟынӡа инаӡоит.