Агубернатор ихаҭыԥуаҩ еизаз иргәалалыршәеит псковтәи ашколхәыҷқәа раԥхьатәи агәыԥ Аԥсны ишыҟаз, урҭ рҭаара атәы егьырҭ ахәыҷқәагьы ишраҳахьоу «иуникалу атәыла аҭаара шырҭаху».

«Аҵарадырратәи арккаратәи апроектқәа – ҳусеицура аҿы акырӡа зҵазкуа хырхарҭоуп, убри аҟнытә Аԥсны аҵара Аминистрреи ҳареи ҳаиқәшаҳаҭрақәа хымԥада инаҳагӡалоит.  

«Аԥсныҟа аеконыҟәара» – ари иуникалу проектуп, ҳара уи анаҩсгьы ацҵара ҳгәы иҭоуп. Сгәы иаанагоит уи аԥеиԥш бзиа амоуп ҳәа», -иазгәалҭеит  Вера Емелианова.

Агубернатор ихаҭыԥуаҩ  аҩганктәи аизыҟазаашьақәа рышьаҭаҿы иҟоуп – акультура-ҭоурыхтә традициақәа, арра-патриоттә контекст ҳәа иазгәалҭеит.

«Ҳхәыҷқәа реизааигәатәра анаҩс хра злоу алҵшәақәеи аихьӡара шьахәқәеи раарԥшразы аҩганк иуникалу алшарақәа рымоуп», – ҳәа лажәа хыркәшо иазгәалҭеит Вера Емелианова.