Ақалақьргыларатә комитет ахь инашьҭын апроектқәа жәпакы, урҭ рахьынтә иалԥшаан хԥа. Аиааира згаз алкаахеит жьҭаарамза 29 инаркны абҵарамза 5-нӡа имҩаԥысуаз ауаажәларратә бжьыҭира аҳасабала.
«Иалкаахеит архитекторцәа Олег Ҷедиеи Наала Ломиеи еиқәдыршәаз апроект. Ари дара еицынарыгӡаз усуроуп, сара сгәаанагарала уи даараӡа ибзиоуп», - ҳәа иазгәеиҭеит Беслан Багаҭелиа. Уи иара убас иажәа иацҵо, уажәазы апроект аконцепциа аҳасабала адгалара шымҩаԥгоу – ҳаԥхьаҟа уи деталла аус адулара шазыԥшу иҳәеит.
